غــــبـــاء مش طبيعي…يا رب فرجك

السلام عليكم …

عنجد مرات الانسان بتوصل معاه الامور انو بيجي على باله ينتحر من الغباء اللي بشوفه بين هالناس واكيد مش كلهم ، بل بعض منهم ، يعني على سبيل المثال ،بكون بحكي بالخلوي فبشوفني صاحبي وبسالني ، انت بتحكي مكالمة ؟ لأ انا في الحمام شو شايفني بعمل يا رجل.اووووووووووف

و اكثر الامور غباء هي برامج المسابقات اللي بنشوفها”بالصدفة” على المحطات العربية الغبية متل اصحابها ، اسمعوا هالسؤال : دولة من ثلاث حروف اذا بدلنا الحرف الاول بحرف اخر ، يصبح اسم شيئ يسقط من السماء… و الله اغبى سؤال سمعته بحياتي يعني شو بدو يوقع من السماء ؟ علكة ، اقلام ، علب بيبسي ؟ ، طبعا مطر و الدولة هي قطر ،،،،،،، لا وهذا اخف شيئ ،و الاغبى على الاخر هو برنامج كان يقدمه هشام اللي كان في ستار اكاديمي، وبيقدمه على قناة mbc ،وبيكون معاه ثلاث مغلفات كل واحد فيها مبلغ معين وبيطلب من المسابق انو يسحب واحد ، واللي بقهر وبرفع الضغط هو لما يحكي هشام ” لا تتسرع وفكر قبل ما تسحب ،ولا تفشلنا،اختار المبلغ الاكبر ” … طيب يا لوح يا سطل يا حيط ، هو شو عرفه باللي جوات المغلف ، وكيف بدو يفكر وبشو بدو يفكر؟؟؟ و الله غباء مش طبيعي بالمرة.

وما بنسى سواقين التكاسي ، طبعاً اغلبهم اذكياء وبعرفوا يضحكوا على الواحد ، لكن في منهم اغبياء لدرجة ما حد بتصورها ، فمرة مروح من الجامعة للبيت بتكسي وكانت في الاردن ثلج كبير ، و الحمد لله ذاب و بقي الماء بس ، فجايين ولما وصلت البيت كان في بركة ماء صغيرة،فبحكيلي السواق:يا رجل ما لقيت الا هون تجيبني ،،وكاني عازمه على العشاء بمطعم ، يخرب بيتك ، انت راكب سيارة او راكب حمار؟؟؟؟؟؟؟؟ لا وفوقها وسخ السيارة وطلع عن البركة ونزلني فوقها و الشارع كان فاضي وممكن انوما يوقف على الماء ، بس لله في خلقه شؤون وهدول عنجد اللي عندهم عقل وما بستخدموه الا في المناسبات السعيدة ، ما بنطبق عليهم الا كلام دريد لحام ” عاهاتك يا وطن ” .

صورة ولا احلى….قصدي صورة ولا اغبى