السلام عليكم
كثير منا بتصير معاه مواقف بايخة ما بعرف يتصرف فيها منيح،او بمعنى اخر ما بختار الرد المناسب الها ، لكن اكثر شيئ انا بشوفه او بمعنى اخر غريب شوي ،وبصير اكثر شيئ في الجامعات ،فمثلاً بكون الواحد قاعد وبتمر بنت حاملة كاسة شاي او نسكافيه وبتكب شيئ من الكاسة عليه بالغلط رغم انها سخنة وبتخرب الملابس لكن بحكيلها “مش مشكلة ،ولا يهمك- حصل خير” ، و عنجد ولا كانو صار شيئ وبعد ما تمر البنت بيضحك وبكون مبسوط وبقول”يلا منيح،زبطناها” ، وبالمقابل اذا شب عملها ، فالله يستر شو بيصير ،بيزعلوا من بعض وبصيروا يصيحوا ،وليش وكيف ، وانت اعمى مش شايفني، العمي بعيونك ،ومن هالكلام لكن السؤال هو عنجد “لــــيـــــش”؟؟؟؟.
شو بيختلفو عنا البنات،عندهم عيون و اذنين وانف وشعر وفم ورجلين و ايدي ،، ونحنا كمان عندنا كل هدول ،، طيب شو الفرق؟
اكيد عرفتوا معي الفرق!! ،الفرق هو انهم من الجنس الناعم او متل ما بحكوا “اللطيف” ، الله يلطف فينا.
وفي هذا الزمن صارت الاوضاع بالعكس،فالنسوان كانوا يطالبوا بحقوق المراة ، لكن اليوم صار في مطالبة بحقوق الرجلولعدة اسباب،،، في مكاتب المعاملات والسوبر ماركت والمحاضرات وكل الاشياء الاخرى ، دائما البنت بتكون اخر وحدة في الطابور ،و اول الناس اللي بتخلص ، ولو كان امامها مليون رجل ،، فيا ايها العالم الظالم ،لماذا تجحف بحق الرجل وتعطي المراة كل حقوقها ،؟؟؟
ربنا يصطفل فيك ،،، وحسب الرجال الله ونعم الوكيل
